Beschreibung
Op'n eersten Blick kunn man de Tollsens för een ganz normale Familie hollen. Wat de Navers aver nich weeten is, dat bet op Vadder Andres alle annern Hexen sünd. Allns kunn so schöön wesen, wenn nich an een Dag Andres Fruu Chresdje för sien Ogen op een eensam Straat eenfach verswinnen deit. Tosamen mit sien Kinners maakt Andres sick op'e Söök. De Spoor föhrt se na een Land in een anner Welt, wo twee Königskinner verswunnen sünd un man Hexen de Schuld an gifft. Een Wettloop mit de Tiet beginnt, denn wenn Andres un de Kinners Chresdje nich bald finnen, warrt se wul mit all de annern Hexen verbrannt warrn.
Autorenporträt
Swen Moritzen is in Sleswig-Holsteen groot worrn. Siet he een Kind west weer, harr he bannig geern Määrken vörleest kregen (Afsünners de Määrkens ut Skandinavien un de plattdüütschen Wisser-Määrken hett he nienich noog vun kregen kunnt.) Hüütigendaag vertellt he sülm geern Määrkens un Geschichen. He leevt mit sien Fruu, veer Kinners un twee Kanink in Ostholsteen.
Herstellerkennzeichnung:
BoD - Books on Demand
In de Tarpen 42
22848 Norderstedt
DE
E-Mail: info@bod.de
